Аумақтық партия филиалдарының жұмысы сараланды
Облыстық партия филиалының жұмыс жоспарына сәйкес бүгіннен бастап аумақтық партия филиалдарын тыңдау кестесі әзірленген. Осы ретте бүгін партияның облыстық филиалының төрағасы Алмасбек Есмаханов пен атқарушы хатшы Ләйлә Төрешова кестеге сәйкес Қазалы және Шиелі аудандық филиалдарының жыл басынан атқарған жұмысы бойынша филиалдың атқарушы хатшыларының есептерін тыңдады.Жиында сайлауалды бағдарламаның орындалуы, қоғамдық қабылдауға келіп түскен өтініштердің оң шешілуі, партиялық жобалардың жүзеге асуы, депутаттық фракциялар және ақпараттық жұмыстар мен ішкі партиялық жұмыстар жан - жақты сараланып, жұмысты жетілдіруге қатысты бірқатар тапсырмалар берді. Бұл жиындар жоспарларымызды пісіріп, нәтижелі тұстарымыздан тәжірибе алып, кемшін тұстарымызды ретке келтіруге бағытталады»,- деді өз сөзінде партия филиалының төрағасы Алмасбек Есмаханов.
#AMANAT
