Аудандық мәслихат депутаттары мен дербес бөлім басшыларының қатысуымен өткен жиында Жол карта жобаларының орындалуы туралы сөз болды. Нақтырақ айтқанда облыстық партия филиалының Атқарушы хатшысы Ләйлә Бегалықызы сөз алып, әрбір шараның орындалуына жауаптылық танытып, барынша орындалу жолдарын қарастырып, дербес бөлім басшыларына жоғары деңгейде жұмыс жасауға шақырды.

Сондай-ақ, жиында мәслихат депутаттарының қатысуымен күн тәртібіне қойылған пилоттық режимде жұмыс жасап тұрған Депутаттық рейтингі мәселесі қаралды.

Тақырып аясында Ләйлә Бегалықызы халық қалаулыларына жұмысты жетілдіріп, күшейтуді тапсырды. Сонымен қатар, депутаттық рейтингі мәселесі бойынша келіп түскен сұрақтарға облыстық партия филиалының ұйымдастыру бөлімінің басшысы Мәншүк Қасымова жауап берді.

#AMANAT