«Ауыл аманаты» жобасының және «Дипломмен ауылға» бағдарламасының іске асырылу барысы қаралды
Бүгін Қазалы аудандық мәслихатындағы «AMANAT» партиясы депутаттық фракциясының кезекті отырысы өтті. Отырысқа арнайы аудандық партия филиалының төрағасы, аудандық мәслихат төрағасы Ғазиз Әліш қатысты.
Фракция жетекшісі Нұрғиса Жалғасбаев төрағалық еткен жиында ауыл тұрғындарының табысын арттыруға бағытталған «Ауыл аманаты» жобасының және «Дипломмен ауылға» бағдарламасының ауданда іске асырылу барысы қаралды.
Жиын барысында аудандық ауыл шаруашылығы мен жер қатынастары бөлімі басшысының міндетін атқарушы Сапарбек Қуатов күн тәртібіндегі мәселеге қатысты хабарлама жасады.
Жиын қорытындысы бойынша комиссия мүшелері тарапынан «Ауыл аманаты» жобасы бойынша ауқымды жобаларды ұсыну, ақпараттық-түсіндіру жұмыстарын күшейту және «Дипломмен ауылға» жобасының қаржысын тиімді пайдалану мәселесі аясында ұсыныстар айтылды.
#AMANAT
