Сенбілік жұмыстары жалғасуда
Қазалыда әр сенбі сайын өткізілетін көркейту-көгалдандыру, санитарлық-тазалық жұмыстары бүгінде барлық кент, қала, ауылдық округ аумақтарында жалғасын тапты.
Сенбілік жұмыстары барысында аудан орталығы – Әйтеке би кентінің орталық көшелерінен бөлек, қазақ және орыс қорымдары аумағы, Әйтеке би кентінің шет аймақтары, кенттегі Қ. Пірімов көшесінің аяғынан бастап теміржол өткеліне дейін аралық шашылған қоқыстардан тазартылып, көше бойындағы ретсіз өскен шөптер шабылды. Сондай-ақ тазалық жұмыстары барысында шабылған шөптер мен жиналған күл-қоқыстар арнайы техникалар арқылы белгіленген орындарға шығарылды.
Аудан көлемінде өткен жаппай тазалық шарасына барлық мекеме, кәсіпорын қызметкерлері ауызбіршілікпен атсалысып, туған жердің тазалығы үшін бірлесе жұмыс жасады.
