Жазғы сауықтыру лагеріне мониторинг жүргізілді
Аудандық партия филиалының Атқарушы хатшысы Нұрғиса Жалғасбаев, аудандық мәслихат депутаты Райымбек Бөлебаев, аудандық білім бөлімінің басшысы Әділхан Жөлекешов «Шағала» лагеріне арнайы барды. Негізгі мақсат - нысанның жай-күйімен танысып, жаңа маусымға дайындығын зерделеу.
Мониторинг барысында білім бөлімінің басшысы лагердің ағымдағы жағдайы мен дайындық барысын таныстырып, атқарылып жатқан жұмыстар туралы баяндады. Жаңа маусымда балалардың жайлы әрі қауіпсіз демалысын қамтамасыз ету үшін қолға алынған шараларға тоқталды.
Партия өкілдері оқушылардың қауіпсіздігі бірінші орында тұруы тиіс екенін ерекше атап өтті. Сонымен қатар, олар лагерьдің материалдық-техникалық базасын жетілдіру бағытында нақты ұсыныстар білдірді. Балалардың демалыс уақыты тиімді өтуі үшін барлық жағдай жасалуы қажет екенін жеткізді.
