Жастар қанаты мүшелерінің арасында шахматтан турнир өтті
Қызылордадағы Достық үйінде Корей жастары қозғалысының ұйымдастыруымен, облыстық Қазақстан халқы ассамблеясының қолдауымен шахматтан турнир болып өтті. Оған облыстық Қазақстан халқы ассамблеясы жанындағы Жастар қанатының 20 белсенді мүшесі қатысты.Қазылар алқасының құрамында «Қазақстан корейлер қауымдастығы» Қызылорда облыстық филиалының 3 өкілі болды. Турнир олимпиадалық жүйе бойынша жүргізілді.
Қорытындысында бірінші орынды Орынбек Асқарбай жеңіп алды. Екінші орынды Уәлихан Файзуллаев иеленсе, үшінші орынды Әліби Қуантқанов қанжығасына байлады.
Облыстық Қазақстан халқы
ассамблеясының баспасөз қызметі.
