Ұлы отан соғысы ардагерін жеңістің 80 жылдығымен құттықтады

«Бүгінгі ашық аспан мен бейбіт өміріміз үшін біз Өздеріңізге, майдангерлер мен тыл еңбеккерлеріне мәңгілік қарыздармыз. Соғыс жылдарындағы батырлық пен табандылық ұрпақ жадында мәңгі сақталады. Ерліктеріңіз ешқашан ұмытылмайды. «Қариясы бар үй – қазыналы» дейді халқымыз. Өздеріңіздей тұлғаларға қарап бой түзейміз. Ел Президенті Қасым-Жомарт Тоқаевтың басым саясаты – ардагерлерге жан-жақты қолдау көрсету болса, «AMANAT» партиясы аға буынға құрметпен қарап, қамқор болуды өзіне негізгі міндет санайды. Сізге зор денсаулық, елімізге амандық тілеймін», – деген Алмасбек Әбілқасымұлы майдангерге мерекелік құттықтау табыстап, шапан жауып, сый құрмет көрсетті.

Ғасыр жасаған Тілеуберген Тобабергенұлы 1924 жылы Қазалы ауданы, Жамбыл колхозында дүниеге келген. 1942 жылы майданға аттанып, Смоленск, Белоруссия, Польша, Чехословакия, Кёнигсберг және Берлин қалаларындағы ұрыстарға қатысқан. Жеңіс күнін Берлинде қарсы алған. Соғыстан кейін Германияда тұтқындарды күзету қызметін атқарып, 1947 жылы елге оралған.

Кейін теміржол саласында абыройлы еңбек етіп, зейнетке шыққан. І дәрежелі «Отан соғысы» орденімен, «Берлинді азат еткені үшін», «Жуков» медалімен және басқа да жеңістің түрлі мерейтойлық мерейтойлық медальдармен марапатталған. «Қазалы ауданының құрметті азаматы».

#AMANAT