Функционалдық сауаттылық арттырылды
Фото: prezi.comБүгінде балаларға заманауи білім берудің бәсі бөлек. Жуырда Ақтан батыр ауылындағы №190 орта мектепте «Функционалдық сауаттылықты арттыру: практикалық дағдыларды жетілдіру» тақырыбында аудандық семинар өтті.
Семинар барысында функционалдық сауаттылықты арттыруға және практикалық дағдыларды жетілдіруге бағытталған инновациялық әдістерге мән берілді. Оларды оқу процесінде тиімді пайдалану, өзара тәжірибе бөлісуді меже тұтты. Функционалдық сауаттылықты дамыту арқылы критикалық ойлау және проблемаларды шешу, өз бетінше білім алуы мен өзін-өзі дамытуға ынталандырылды.
Қатысушылар мектептің этно-шығармашылық көрмесімен танысып, мектеп ұстаздарынан құрылған оркестрдің күмбірлеген күйін тыңдады. Д.Исабековтің шығармасы желісінде мектеп театры дайындаған «Біз соғысты көрген жоқпыз» тақырыбындағы қойылымды тамашалады.
Семинарға қатысқан аудан ұстаздары қорытынды бөлімінде ішкі ойларымен бөлісіп, аудандық білім бөлімінің әдіскерлері: Жауқазын Шәкиядинқызы мен Перизат Маратқызы келелі кеңеске оң бағасын берді. Әзірленген жұмыстарын жоғары деңгейде ұйымдастырған пән мұғалімдері мен мектеп директорының міндетін қоса атқарушы Жәнібек Әнесұлы мен директордың оқу ісі жөніндегі орынбасары Майгүл Уайсбайқызына аудандық білім бөлімі басшысының Алғыс хаттарын табыс етті.
А.ЖИЫЛЫСҚЫЗЫ
