ҚАЗАЛЫДА «ТАҒЗЫМ» АЛАҢЫНА ТАЗАЛЫҚ ЖҰМЫСТАРЫ ЖҮРГІЗІЛДІ
Қазалылықтар Ұлы Жеңістің 80 жылдығы қарсаңында «Жеңіс» саябағындағы «Тағзым» алаңына тазалық жұмыстарын жүргізді.Тазалық жұмыстары барысында алаңдағы Ұлы Отан соғысы ардагерлеріне арналған ескерткіш тақтайшалар жуылып, саябақ іші арам шөптермен қоқыстан тазартылды.
Ұлы Жеңістің 80 жылдығы қарсаңында арнайы «Тағзым» алаңына жүргізілген тазалық жұмыстары кейінгі ұрпаққа майдангерлеріміздің ерлігін ұлықтау, ұрпақ мұрасын күтіп ұстау, құрметтеуге дәріптеледі.
Атап өтейік, екінші дүниежүзілік соғысқа Қызылорда өңірінен 150 мың адам аттанса, олардың 60 мыңы ғана елге оралды. Бүгінде облысымызда көзі тірі екі ардагер ғана болса, оның бірі қазалылық соғыс ардагері, ғасыр жасаған ақсақал Тілеуберген Тобабергенұлы.
