Кей жерлерде қар: алдағы күндері ауа райы қандай болады
Фото:pixabay.comЕл аумағына енген Солтүстік-батыс циклоны салдарынан температура айтарлықтай төмендеп, жаңбыр біртіндеп қарға ұласты, деп хабарлайды El.kz ақпарат агенттігі.
Бұл өзгеріс тек солтүстікте ғана емес, оңтүстік аймақтарда да байқалып, суық ауа райының салқыны сезілді.
Ауа райы мамандарының болжамынша, көктемнің тосын мінезі әлі де жалғасады. Алдағы күндері елдің солтүстік және шығыс бөліктерінде жаңбыр жауып, 19 сәуірде кей жерлерде қайтадан қарға айналуы ықтимал. Кей жерлерде жауын-шашынға қарамастан, температураның жоғарылауы күтілуде.
Тек батыс өңірде көктем шынайы кейпінде сезіліп, күн ашық әрі жылы болады. Бұл аймақта термометр бағандары күндіз 25–30 градусқа дейін көтерілуі мүмкін. Осылайша, еліміздің әр аймағы көктемді әртүрлі қабылдап отыр: бір өңірде әлі де қар жауса, енді бірінде күннің шуағы сезілуде.
