Үйірме – өнер баспалдағы
Жақында Ақтан батыр ауылдық клубының ұйымдастыруымен «Үйірме-өнер баспалдағы» атты облыстық өнер байқауы өткізілді.Байқауға облыс көлеміндегі аудандық мәдениет өнер ошактарының үйірме жұмыстарын жандандыру аясында домбыра, көркемсөз және ән үйірмелері бойынша балалар катысып, бақтарын сынады.
Көларық ауылдық округінің әкімі аппаратының бас маманы Мереке Болатқызы шараны ашып, қатысушы талапкерлерге сәттілік тіледі.
Өнерпаздарға Қызылорда облыстық халық шығармашылығын дамыту және продюсерлік әдістемелік-ұйымдастыру бөлімінің маманы Райкүл Сәрсембаева, «Өнеге» әделер тобының жетекшісі Ұлжан Ахметова және аудандық Роза Бағланова атындағы мәдениет орталығың балалармен жұмыс жасау жөніндегі әдіскері Балқыз Өмірзақ қазылық жасады. «Ел іші – өнер кеніші» дегендей, өнерлі ұжымдар ізденісті шығармашыл жұмыстарын ортаға салды. Жеңімпаздар мен жүлдегерлер диплом, алғыс, сыйлықтармен марапаттады.
Жаңыл ҚАЛЫМ,
Ақтан батыр ауылдық клубының әдіскері
