Шымкентте баланың өліміне байланысты аудан әкімі қызметінен кетті
Фото: istockphoto.com
Шымкенттің Тұран шағын ауданында кешкі уақытта далаға ойнауға шыққан 7 жастағы Айдын Сәуірбай іші суға толған ашық шұңқырға түсіп, қайтыс болды. Alash.kz
Аталған шұңқыр кәріз құбырын жөндеу жұмыстары аясында қазылған және былтырдан бері ешқандай қоршаусыз, ашық күйінде жатқан.
Қайғылы оқиғаға қатысты аудан әкімі қызметінен босатылды, энергетика және инфрақұрылымды дамыту басқармасының басшысына қатаң сөгіс, ал осы салаға жауапты қала әкімінің орынбасарына сөгіс жарияланды.
Мердігер ұйымдар да жауапкершілікке тартылады.
