Жаңа цехта жұмыс жандана түспек

Тарихи сәт Қазақстанның жаңа дәуірінің бір белесі, ал жаңа цехтың ашылуы – сол белестің жарқын беттері болмақ. Игі іске сәттілік тілеп, оң болсын айта келгендердің қарасы қалың болды. Тұсаукесер рәсімін Қазалы ауданының әкімі Мейрамбек Шермағанбет, ҚТЖ Жүк тасмалы АҚ-ның атқарушы директоры, вагон шаруашылығы департаментінің директоры Қайраткен Нығметов және «Қамқор Вагон» ЖШС бас директоры Сәкен Төлебаев орындады. Аудан басшысы мыңдаған адамдар еңбек етіп, тер төккен бұл өндіріс орнының одан әрі де жұмысы жанданып, ел экономикасының белсенді дамуына ықпал етеріне сенім білдірді. Бұдан соң «Ерен еңбегі үшін» медалі, Құрмет ордені, Құрметті теміржолшы, Тәуелсіз мемлекеттер достастығы құрмет грамотасының иегері, «Қамқор Вагон» ЖШС бас директоры Сәкен Көптілеуұлы сөз алып, келген қонақтар мен депо ұжымына ыстық лебізін білдірді.

«Қазалы вагон жөндеу депосы» филиалында дөңгелек жұптарды күрделі жөндеу бойынша жобаны іске асыру аясында заманауи екі режимді престеу қондырғылары, жұмыс орнын механикаландыру, өлшеу құралдары мен бұзбай бақылау құралдары, қажетті станоктар мен көтергіш жабдықтар орнатылды. Сонымен қатар, дөңгелек жұптарын жинақтау және қосалқы бөлшектерді сақтау үшін арнайы учаске ұйымдастырылды. Дөңгелек жұптарды күрделі жөндеудің сапасын тиімді бақылау үшін бұзбай бақылау позициясы құрылып, өндірістік персоналды оқыту жұмыстары жүргізілді. ««ҚТЖ» ҰК» АҚ комиссиясы өндіріс орындарын тексеріп, дөңгелек жұптардын тәжірибелік үлгілерін қабылдап, таңбалау үшін шартты нөмірдің әрекетін кеңейту туралы куәлік алды.

Кәсіпорынның қуаттылығы жылына 3000 дөңгелек жұпты құрайды. Депо тапсырысшылардың қажеттіліктерін толық қанағаттандырады. Сонымен қатар вагондардың жөндеуде тұрған уақытын және көлік шығындарын едәуір төмендетеді. Нарықтағы бәсекелестіктің артуы жағдайында, мұнда сатылым көлемдері қызметтерге сұранысқа байланысты анықталатындықтан, тапсырыс берушілердің сұраныстарына дер кезінде жауап беру өте маңызды. Жаңа дөңгелек жұптарды күрделі жөндеу учаскесі сапалы қызмет көрсетуді арттырып, нарық талаптарына сай болуға мүмкіндік береді.

Бұл жоба Қазақстанның толыққанды көлік-логистикалық хабқа айналуы жөніндегі Мемлекет басшысы Қасым-Жомарт Тоқаевтың тапсырмаларын орындау аясында жүзеге асырылатын инфрақұрылымдық жобалардың маңызды бөлігі болып табылады. 2029 жылға дейінгі теміржол саласын дамыту Концепциясына сәйкес «Арыс – Қазалы» учаскесінде екінші жолды салу сияқты ауқымды жобалар жүзеге асырылады. Бұл Транскаспий халықаралық көлік маршруты аркылы транзиттін артуына және жөндеуге сұраныстың өсуіне ыкпал етеді.

– Біз нарықтағы жағдайдың өзгеруіне және клиенттердің қажеттіліктеріне уакытында жауап беруге тырысамыз. Бұл бізге сұранысты тиімді басқаруға және нарықтағы өзгерістерге бейімделуге мүмкіндік береді. Құрылып жатқан дөңгелек жұптарды күрделі жөндеу учаскесі еліміздегі бәсекеге қабілеттілік пен жөндеу кәсіпорнының тартымдылығын арттыру үшін манызды фактор болып табылады. Клиенттеріміздің жөндеудің сапасы мен мерзіміне деген талаптары үнемі өсіп отыр, біз тек олардың талаптарына сай болуды ғана емес, алдын алу шараларын да қабылдауды мақсат етіп қойдық.

Жаңа цехқа бірнеше арнайы құрал-жабдықтар алынды. Оны басқару үшін жұмысшы-мамандарымыз оқып, білім жетілдірді. Енді жүйелі жұмыстың жемісті нәтижесін күтеміз, – деді«Қамқор Вагон» ЖШС бас директоры Сәкен Төлебаев.

Сондай-ақ салтанатты шарада Батыс Қазақстан теміржолшыларының ұстазы, отандық темір жолдың, оның ішінде тоғыз жолдың торабында жатқан батыс аймақтық магистральда өшпес қолтаңбасы қалған, жарты ғасырдан астам өмірін осы салаға арнаған Кеңес үкіметі тұсында «Құрметті теміржолшы» атағына иеленген ардагер Бисенбай Майсутов, Құрметті теміржолшы, еңбек ардагері Қанат Әлмаханов, «Камкор транспортные технологни» серіктестігінің Бас директоры Роман Михайлович, «Ассоциация специалистов вагонного хозяйства» серіктестігінің бас директоры Асхат Касенов, «Astana Railway Company» серіктестігінің техникалық директоры Азамат Кенжебаевқа, «Батыс дирекциясы» серіктестігінің филиалының аткарушы директоры-директоры Дәурен Сұлтанмұратов сөз сөйледі.

ҚТЖ Жүк тасымалы АҚ аткарушы директоры-вагон шаруашылығы департаментінің директоры Қайраткен Нығметов «Қазалы вагон жөндеу депосы» филиалының директоры Талғат Әліпбаевқа Дөңгелек жұптарын жасауға Кеден одағынын Техникалық регламенті ТР ТС 001/2011 «Теміржол көлік кұралының кауіпсіздігі» бойынша құрметті құқық сәйкестік куәлігін берді.

Бұдан соң бірқатар теміржол саласының ардагері мен еңбек озаттарына «Қазақстан темір жолы» ұлттық компаниясы акционерлік қоғамының 120 жылдығына арналған мерекелік медаль, құрмет грамотсы, алғыс хаттар, ҚР Көлік министрінің Еңбек адагері медалі, «Қазақстан вагон жөндеу кәсіпорындарының қауымдастығы» заңды тұлғалар бірлестігінің медалі және «Қамқор вагон» серіктестігінің алғыс хаты табысталды.

Өткен жылы «Қазалы вагон жөндеу депосы» филиалында әлеуметтік және өндірістік маңызы бар бірқатар жобалар жүзеге асырылды. Өндірістің нақты прогресі тек әлеуметтік саладағы ілгерілеумен ғана мүмкін болатындығын ескерген депо басшылығы еңбек қауіпсіздігі мен еңбек жағдайларын жақсартуды басты мақсат етіп отыр. Атап айтқанда, 2024 жылы мекемедегі өндірістік цехтардағы қабырғалар мен төбелерді металл сайдингпен қаптау, санитарлық-тұрмыстық бөлмелерді (душ бөлмелері мен киім шешетін орындар) күрделі жөндеу, өндірістік ғимаратта жылы дәретхана ұйымдастыру, дөнгелек жұптар жинақтау учаскесін күрделі жөндеу, көтергіш жолдарды ауыстыру және кранды жаңарту, сапалы құралмен қамтамасыз ету үшін кұрал-жабдық бөлімі ұйымдастыру жұмыстары атқарылды.