Құрылыс саласына қатысты сауалдарға жауап берілді
Фото: Ернұр Кама
Бүгін аудандық құрылыс, сәулет және қала құрылысы бөлімінің басшысы Айдан Ниязов партия филиалының Қоғамдық қабылдау бөлмесінде азаматтарды жеке мәселелері бойынша қабылдау өткізді.
Қабылдау барысында тұрғындар әлеуметтік осал топтағы азаматтар үшін жаңа тұрғын үйлердің құрылысы, сондай-ақ жеке тұрғын үй құрылысы үшін жер телімін беру кезегі туралы сұрақтар қойды. Сонымен қатар, Әйтеке би кентіндегі жаңа көшелердің жол құрылысы мен инфрақұрылым жүргізу мәселелері әлеуметтік желі арқылы көтерілді.
Бөлім басшысы әр сауал бойынша жеке-жеке жауап беріп, жер телімін беруде кезек тәртібі сақталатындығын атап өтті. Жол құрылысы мен инфрақұрылым бойынша жұмыстар кезең-кезеңімен жүзеге асырылатындығын жеткізді.
#AMANAT
