Өнер орталығында командалық айтыстың екінші кезеңі өтті
Қызылордадағы Өнер орталығында командалық айтыстың екінші кезеңі басталды.Осыдан бір жыл бұрын наурыз айында командалық айтыстың бірінші кезеңінде Қызылорда командасы Шымкент командасынан басым түскен болатын. Ал бұл айтыстың жөні бөлек. Ә дегеннен ақындар жыр додасын қыздырып, көрермендерге өлең-сөзден сыбаға беруде. Айтыскерлер өткір ойларымен, тапқыр шумақтарымен, суырыпсалмалық шеберлігімен халықтың ықыласына бөленді. Ұлттық өнердің ұлы дәстүрі жалғасып, Қызылорданың рухани өмірінде тағы бір маңызды шара өз шымылдығын түрді.
Сөз барымтасының сөз алған аймақ басшысы Нұрлыбек Нәлібаев сәуір айында Қызылорданың тұңғыш астана болғанына 100 жыл толуына орай үлкен айтыс өтетінін сүйіншіледі.
