Тоқаев Путиннің шақыруын қабыл алды
Фото: Ақорданың баспасөз қызметі
Президент Қасым-Жомарт Тоқаев Ресей Президентінің Жеңістің 80 жылдығына арналған іс-шараларға қатысуға шақыруын қабылдады, - деп хабарлайды Massaget.kz тілшісі Ақордаға сілтеме жасап.
Қасым-Жомарт Тоқаев Ақордада Ресей үкіметінің төрағасы Михаил Мишустинмен кездесу өткізді.
"Мемлекет басшысы Ресей Президентінің Мәскеудегі Жеңістің 80 жылдығына арналған мерекелік іс-шараға шақыруын қабыл алғанын айтты", - делінген хабарламада.
Ақорданың баспасөз қызметінің хабарлауынша, Михаил Мишустин Қасым-Жомарт Тоқаевқа екі елдің үкіметтік делегациялары арасында жүргізілген келіссөздердің нәтижесі туралы ақпарат беріп, күн тәртібінің барлық спектрі бойынша қол жеткізілген уағдаластықтардың өзара тиімді ықпалдастықты одан әрі нығайтуға қызмет ететініне тоқталды.
