Тегін мұз айдыны ашылды
Бүгінде аудан тұрғындары мен қонақтары әсіресе, балалар үшін салауатты өмір салтын ұстанып, таза ауада тынығып, бір сәт конькимен сырғанауына мол мүмкіндік туып отыр.Жуық арада ғана аудан әкімі Мейрамбек Шермағанбеттің тапсырмасына сәйкес аудан орталығындағы Жалаңтөс Баһадүр атындағы орталық стадионнан мұз айдыны ашылды.
Бүгінде бұл орын аудан тұрғындары мен балалардың сүйікті демалыс орнына айналып үлгерді. Себебі аудан жастарының көбісі қазір осы мұз айдынында уақыт өткізуде. Ең бастысы мұз айдыны барлық келушілерге тегін.
Айта кетейік, орталық стадиондағы мұз айдыны күнделікті сағат 10:00 – 17:00 аралығында жұмыс жасайды.
