Ауыл шаруашылығы саласына қатысты өзекті мәселелер қаралды
Аудан әкімдігінің мәжіліс залында облыстық ауыл шаруашылығы және жер қатынастары басқарма басшысының орынбасары Мұтаев Қайрат Меңдібайұлының төрағалығымен мемлекеттік қолдау шаралары туралы жиын өтті.Жиынға аудан әкімінің орынбасары Жалғас Сүйеубаев, ауыл шаруашылығы саласына қатысты мекемелерінің, қаржы институттарының басшылары мен шаруашылық құрылымдары қатысты.
Жиын барысында ауыл шаруашылығы және жер қатынастары саласының бірқатар мәселелері талқыланды.
Атап айтқанда, құрылған жұмысшы топ өкілдері ауыл шаруашылығы саласын мемлекеттік қолдау, субсидия беру нормативтері мен жеңілдетілген несиелер беру тетіктері бойынша толыққанды түсіндірме берді.
Өз кезегінде, ауыл шаруашылығы тауарөндірушілері өзге де өзекті мәселелерге қатысты сұрақтарымен пікір алмасты.
