“Көкнәр” жасырын түрде елге кіріп, балалар мен жастарды алдап, өзіне баурамақ болады. Мен сендерге ерекше сезім сыйлаймын, өмірлерің қызыққа толады, барлық қайғыларың ұмытылады деп жұртты алдап- арбайды.

Бірақ елдегі дана қариялар оның ниетін түсініп, жұртты жинап:

-“Көкнәр” алдап-арбап, сендерді өзіне құл етпекші. Ол бірден қуаныш сыйлағанымен, артынша денсаулықты, достықты, отбасыңды алып кетеді. Оның торына түскен адамдар бақытсыз болады. Біз бірге күресіп, оны жеңуіміз керек! – дейді.

Сол кезде елдің ең батыл жігіті – Батыр мен ақылды қызы – Мәруа жұртты біріктіріп, «Денсаулық Әлемі» деп аталатын арнайы мекен құрды. Бұл жерде адамдар спортпен шұғылданып, табиғи таза тағамдар жеп, өмірлерін жақсартты. Батыр мен Мәруа “Көкнәрдің” улы сөздеріне қарсы білім мен салауатты өмір салтын насихаттап, барша елді оны жеңуге шақырды. Басқаның арбауына түспей, өзіндік пікірлері болуын қадағалап жүрді. Күндердің күнінде “Көкнәр” бұл елден қашып кетуге мәжбүр болады, себебі оның өтірігіне сенетін ешкім қалмады. «Салауат» елі қайтадан бақытты, дені сау елге айналады.

Содан бері бұл елде есірткі туралы естімеген де, көрмеген де екен. Адамдар бір-біріне әрқашан қолдау көрсетіп, салауатты өмір салтын ұстанатын. Әрбір адам өзінің және жақындарының денсаулығы үшін жауапты. Есірткіден аулақ болып, дұрыс өмір салтын таңдау – нағыз батырлық. Оқып отырған оқырманды «Салауат» елінен үлгі алуға шақырамын.

Қазалы қаласы

Ғ.Мұратбаев атындағы №17 орта мектеп