Жастар жақсы мен жаманның аражігін ажырата білуі керек
Президент Қасым-Жомарт Кемелұлы Тоқаев «Мақсатым - экономиканы және егемендікті нығайту» атты кең көлемді сұхбатын берді.
Мемлекет басшысы «Ana tili» газетіне берген сұхбатында 2024 жылды қорытындылап қана қоймай, бірыңғай уақыт белдеуі, атом электр станциясы, доллар бағамы, Талғар оқиғасы, кезектен тыс сайлау өткізу ықтималдығы және басқа да қоғамда қызу талқыланған көкейкесті мәселелерге қатысты пікір білдірді.
Соның ішінде жасанды интеллект, Қазақ тілінің мәртебесі, жастардың шет елдерде білім алуы және жалпы жастардың болашағы туралы ой бөлісті. «Бір ғана тілегім, ақыл-кеңесім бар: жас азаматтарымыз дүниетанымы тұрғысынан жасампаз, ойлау қабілеті жағынан сындарлы болуға тиіс, олар жақсы мен жаманның аражігін ажырата білуі керек», деп нақты айтты. Яғни, біздің білім мен тәрбие беріп отырған шәкірттеріміздің болашақтағы болмысын суреттеп берді десек те болады.
Шакизада АСҚАРОВА,
аудандық мәслихат депутаты, Аналар кеңесінің
төрайымы, кәсіпкер
