Қазақстанда бас бостандығынан айырылғандар саны артты
Биыл қылмыстық істерді қарау да 5,9 пайызға көбейген. 
Фото: gov.kz
Фото: gov.kzТіпті, айыппұл арқалағандар мен қоғамдық жұмысқа тартылғандар саны да азаймай отыр, деп хабарлады inbusiness.kz сайты.
Жоғарғы соттың қылмыстық істер жөніндегі сот алқасының төрағасы Назгүл Рахметуллина үйқамақтағы адамдардың 60 пайызына электронды білезік тағылғанын айтты. 3 жыл бұрын бұл көрсеткіш тіпті аз болыпты.
– Биыл сот үйқамаққа алу тәсілі 5 есе, кепілдік алу 8 есе көп қолданды. Үйқамақтағы адамдардың 60%-ына электронды білезік тағылды (2021 жылы бұл көрсеткіш 3%-дан аспаған). Сонымен қатар, қылмыстық құқық және процестік мәселелері бойынша – 12, әкімшілік құқықбұзушылық туралы заңнама бойынша 1 нормативтік қаулыға өзгерістер мен толықтырулар енгізілді, – деді ол.
Назгүл Рахметуллинаның айтуынша, сот төрелігін жүзеге асыру сапасы айтарлықтай жақсарған. Жоғарғы соттың жылды қорытындылауға арналған кеңесінде ол бірқатар статистикалық деректі келтірді.
– 4,8% сот актілерінің апелляцияда күші жойылды және өзгертілді, ал кассацияда – 1%. Бас бостандығынан айырылғандардың саны 3,8%-ға көбейді, осы ретте айыппұл арқалаған және қоғамдық жұмысқа тартылғандардың да саны артты, – деді Сот алқасы төрағасы.
