Албания Tik Tok желісін пайдалануға тыйым салды
Олар мұндай қадамға цифрлық қауіпсіздікті арттыру үшін барған
Фото: depositphotos.com
Албания үкіметі Tik Tok-ты кем дегенде бір жылға пайдалануға тыйым салу туралы шешім қабылдады. Бұл туралы елдің премьер-министрі Эди Рама айтты, деп хабарлайды Azattyq Rýhy Albanian Daily News-ке сілтеме жасап.
«Мектептердегі физикалық және цифрлық қауіпсіздікті арттыру үшін біз арнайы мекемелер әзірлеген құралдардың арқасында TikTok платформасын бұғаттау туралы шешім қабылдадық», — деді ол.
Рама үкімет ата-аналармен 1,3 мыңнан астам кездесу өткізгенін және олардың 90% - ы қосымшаны бұғаттау туралы шешіммен келіскенін айтты.
