"Кедергісіз келешек" ерекше қажеттілігі бар жандар арасында өнер байқауы өтті
3 желтоқсан – Халықаралық мүгедектер күніне орай бүгін аудандық партия филиалына қарасты «Орталық» бастауыш партия ұйымының және аудандық мүгедектер қоғамы қоғамдық бірлестігінің ұйымдастыруымен «Кедергісіз келешек» жобасы аясында «Біз бәріміз бірдейміз, кемсітуді білмейміз» атты өнер байқауы өтті.
Шараға арнайы аудан әкімінің орынбасары Болат Жолтаев қатысып, қоғамда ерекше қажеттіліктері бар жандардың мәртебесін арттыру және оларға қолдау көрсетуге басымдық беріліп отырғанын айтып, мерекелік лебізін білдірді.
Мұнан соң шара ән, көркемсөз оқу және қолөнер жанрлары бойынша қайсар жандардың өнерімен жалғасса, ал мәдениет және әр түрлі қоғамдық бірлестіктен құралған әділқазылар қатысушылардың өнерін саралады.
Байқау қорытындысымен әр жанр бойынша ерекше жандар марапат төрінен көрінді. «Орталық» бастауыш партия ұйымының төрағасы Совет Бабанаев бірқатар азаматтарға арнайы аудандық партия филиалының төрағасы Ғазиз Әліштің мерекелік Алғыс хатын табыстып, сый құрмет көрсетті.
Шараға ерекше жандар, әр түрлі сала мен қоғамдық ұйымдардың, сондай-ақ БАҚ өкілдері қатысты.
