Қазгидромет сегіз қала тұрғындарына ескерту жасады
Фото: Zakon.kz"Қазгидромет" РМК мамандары атмосфералық ауаның ластануының қолайсыз метеорологиялық жағдайлары туралы ақпарат берді, деп хабарлайды Zakon.kz.
Бүгін олар Қазақстанның сегіз қаласында күтілуде.
"2024 жылғы 4 желтоқсанда Астана, Алматы, Қызылорда, Шымкент, Атырау, Павлодар, Теміртау, Қарағанды қалаларында ауаның ластануының қолайсыз метеорологиялық жағдайлары күтілуде.""Қазгидромет" РМК баспасөз қызметі
Қолайсыз метеорологиялық жағдайлар – атмосфералық ауаның жер қабатында ластаушы заттардың жиналуына ықпал ететін метеорологиялық факторлардың қысқа мерзімді ерекше жиынтығы.
Бұған дейін синоптиктер 2024 жылдың 4-6 желтоқсаны аралығында Астана, Алматы және Шымкентте қар жауып, тұман болады деп хабарлаған болатын.
