Литва тұруға ықтиярхат беру ережелерін күшейтті

Фото: pexels.com
Литва билігі елден тыс жұмыс істейтін сыртқы қызмет көрсетушілерге жүгінетін шетелдіктер үшін тұруға ықтиярхат  алуға өтініштерді қабылдау ережелерін күшейтті. Бұл туралы Көші-қон департаментінің директоры Эвелина Гудзинскайте мәлімдеді, деп хабарлайды ТАСС ақпарат агенттігі.

«Сыртқы қызмет көрсетушілер тек өздері жұмыс істейтін елдің азаматтарының өтініштерін қабылдай алады. Бұл процедура 30 қарашадан бастап күшіне енеді», - деді ол LRT ұлттық радиосының эфирінде. Директордың түсіндіруінше, шешім көші-қон саласындағы ағымдағы үрдістер, ұлттық қауіпсіздікке төнуі мүмкін қатерлер, сондай-ақ қызмет көрсететін өкілдің әкімшілік мүмкіндіктерін ескере отырып қабылданған.2024 жылы Литва сыртқы қызмет көрсету орталықтарының санын қысқартты. Олар Иордания, Ливан, Непал және Шри-Ланкада жабылды. Қазіргі уақытта әртүрлі елдерде Вильнюсте аккредиттелген осындай 30 орталық жұмыс істеп жатыр.