Халықтық штаб мүшелері колледж ұжымымен кездесті
АЭС салуды қолдау жөніндегі Қазалы аудандық Халықтық штабының мүшелері Күншығар Әбілов пен Ардақ Кәдір Қазалы аграрлық-техникалық колледжінің ұжымымен кездесіп, атом электр станциясының басты артықшылықтарын талқылады.
Жиында хылықтық штаб өкілі Күншығар Әбілов АЭС құрылысының маңызы мен қажеттін түсіндірді. Сонымен қатар АЭС құрылысы елдің экономикасы мен энергетикалық қуатын арттыратынын тілге тиек етті.
«Бүгінде Жасыл энергияны пайдалану дамыған елдерде қарқынды жүзеге асуда. АЭС құрысын жан-жақты зерттеген ғалымдар бірнеше саты қорғаныс қабатын қалыптастырған. Атом энергиясы арқылы еліміздің әл-ауқаты түзеліп, мыңдаған жұмыс орындары ашылып, жаңа маман иелерін дайындауға ықпал етеді және болашақта электр тапшылығын шешудің бір ден бір жолы», – деді ол.
Штаб мүшелерінің айтуынша, ережеге сәйкес атом энергетикасы объектілері, оның ішінде радиоактивті қалдықтары бар аумақтар стратегиялық объектілер қатарына жатқызылады және қорғауға жатады. Қарапайым сөзбен айтқанда, АЭС аумағына ену шектеулі және мұқият күзетілетін нысан болады.
Кездесуге қатысқан колледж ұжымы бірқатар толғандырған сауалдарын қойып, АЭС салу мәселесін қолдайтындықтарын білдірді.
