"Жыл волонтері" халықаралық сыйлығы үміткерлерінің тізімі жарияланды
Фото: Мәдениет және ақпарат министрлігі«Жыл волонтері» халықаралық сыйлығына онлайн дауыс беру кезеңіне өткен үміткерлердің тізімі жарияланды, деп хабарлайды BAQ.KZ.
«Жыл волонтері» халықаралық сыйлығы байқауына қатысу үшін өтінімдерді қабылдау аяқталды.
Техникалық іріктеуден өткен 196 өтінім байқаудың бірінші кезеңіне өтті.
Онлайн дауыс беру 2024 жылғы 20-29 қыркүйек аралығында «Qazvolunteer.kz» сайтында өтеді.
Естеріңізге сала кетейік, сыйлық әлеуметтік және қоғамдық пайдалы міндеттерді шешуге елеулі үлес қосқан отандық және халықаралық волонтерлер мен волонтерлік топтарға, волонтерлік ұйымдарға беріледі.
