АЭС-тің артықшылықтары туралы айтылды
Шыны керек, қазір қоғамда АЭС-ке қатысты түрлі көзқарас қалыптасқан. Атом туралы сөз болғанда жұртшылық одан келетін апатқа, яғни салдарына алаңдайды. Әтсе де оны тиімді тұтынудың да өз артықшылықтары бар екенін ұмытпағанымыз абзал. Оны қару ретінде емес, энергия көзі ретінде көре алсақ, оның экономикаға әкелер пайдасы орасан зор.
Осы ретте АЭС құрылыс қолдау жөніндегі аудандағы халықтық штаб атомның экологиялық емес, экономикалық әлеуетіне баса назар аудару керектігін көпшілікке түсіндіруге көшті. Бүгін осы мақсатта штаб өкілдері Қазалы локомотив жөндеу зауытына барып, ондағы жұмысшылармен жүздесті. Қатысушылар мен штаб өкілдері АЭС құрылыс жобасына қатысты пікірлерін білдірді. Жүздесу соңы «Тиімді энергия көздерін пайдаланудың артықшылықтары» тақырыбындағы танымдық-конференциямен жалғасты.
