АЭС салуды қолдау жөніндегі Халықтық штаб ардагерлермен кездесті
Бүгін Қазалы ауданынан құрылған халықтық штаб аудан ардагерлерімен кездесті. Ардагерлермен әңгімелесу барысында штаб төрағасы Ғазиз Әліш атом энергиясын пайдаланудың артықшылығы туралы айтып, АЭС құрылысын салудың ел экономикасындағы рөлі мен маңыздылығына тоқталды.
– Еліміздің энергетикалық инфрақұрылымы ескіріп, станциялардың 70%-ы тозып тұр. Еліміз көрші мемлекеттердің энергия жүйесіне тәуелді.
Бұл мәселені түбегейлі шешу үшін елімізге сенімді және экологиялық таза қуат көзі қажет. Сондықтан АЭС салу мәселесі еліміз үшін өзекті, – деді штаб төрағасы.
Ал жиынға қатысушы ардагерлер бұл бастаманы қолдайтынын білдіріп, алдағы референдумға белсене қатысатындықтарын жеткізді.
