Қазалы қаласы мен Әйтеке би кенті арасындағы 4 жолақты жол биыл аяқталады
Әйтеке би мен Қазалы қаласы аралығындағы 07 шақырымды құрайтын жол құрылысы 2020 жылы басталған болатын. Алайда жауапты мердігер мекеме «Стандарт Ойл КЗО» ЖШС-нің жауапсыздығы салдарынан жол құрылысы тұралап қалған болатын.
Бүгінгі таңда Әйтеке би мен Қазалы қаласы аралығындағы төрт жолақты автомобиль жолын аяқтау жобасы бойынша мемлекеттік сатып алу жұмыстарын қайта жариялау жұмыстары жүргізіліп, мердігер мекеме «Нұрлы-Тау» ЖШС-і болып анықталды.
Жол құрылысын аяқтау үшін биыл бюджеттен 862 млн. теңге бөлініп, тиісті жұмыстар басталып кетті. Қазан айында жол құрылысы толық аяқталып, пайдалануға беріледі деп күтілуде.
#брифинг
