Көшпенділер ойындары: Астана әуежайы 2 мың спортшыны қабылдады
фото: Астана әуежайыАстана халықаралық әуежайы 5-ші Дүниежүзілік көшпенділер ойындары қатысушыларын әлі де қарсы алып жатыр, деп хабарлайды Halyq Uni.
Бүгін елорда әуежайы 2 мыңға жуық спортшыны қабылдады, деп мәлімдеді әуежайдың баспасөз қызметі.
Елорда әуежайы барлық қонақ пен қатысушылардың қауіпсіздігін қамтамасыз ету үшін бар күш-жігерін салады, – деп қосты ведомство.
Әуе айлағының қызметкерлері бас қалаға ұшып келген барлық спортшыға, жолаушыларға, спорт делегациялары мен қонақтарға жоғары деңгейде қолдау және қызмет көрсету үшін тәулік бойы жұмыс істейді.
«Дүниежүзілік көшпенділер ойындары еліміздің тарихындағы жарқын оқиғаға айналатынына сенеміз. Біз қатысушыларды көргенімізге қуаныштымыз және жарыста сәттілік тілейміз», – деді әуежай ұжымы.
