Министрлік Олимпиада жүлдегерлерінен анықталған Covid-19 түсініктеме берді
Фото: АқордаҚасым-Жомарт Тоқаевтың Париж Олимпиадасының жүлдегерлерімен кездесуі кейінге шегерілген болатын. Кейінірек анықталғандай спортшылар мен олардың бапкерлерінен Covid-19 табылды.
Нақтырақ айтсақ короновирус үш Олимпиада жүлдегері мен екі бапкерден анықталды.
«Спортшыларды тестілеу кезінде ПТР сынақтары COVID-19 үшін оң нәтиже көрсетті. Олар оқшауланып, емделіп жатыр. Жағдайлары жақсы, вирус жеңіл өтуде. Олардың тезірек сауығып кетуін тілейміз. Команданың қалған мүшелерінің дені сау», — деді туризм және спорт министрлігі.
Еске сала кетейік, бұған дейін президент Қасым-Жомарт Тоқаевтың Олимпиада жүлдегерлерімен және олардың бапкерлерімен жоспарланған кездесуі COVID-19 байланысты кейінге шегерілген болатын.
