Биыл Қазалыда 150отбасы баспана қуанышына кенелмек
Биыл Қазалы ауданында халықтың әлеуметтік осал топтары үшін пайдалануға берілетін 150 пәтерлі 75 тұрғын үйдің құрылысы қарқынды жүргізілуде.
Аудан әкімі Мейрамбек Шермағанбет тұрғын үйлердің құрылыс жұмыстарын көріп, құрылыс жұмыстарымен айналысып жатқан кәсіпкерлермен кездесті.
Аудан басшысы кәсіпкерлерге тұрғындардың игілігі үшін берілетін баспаналарды мерзімінен кешіктірмей тезірек сапалы етіп аяқтау керектігін айтты. Ал жауапты орынбасарына тұрғын үйлерді қабылдау кезінде барлық талаптарға сай болуын, тұрғындардан ешқандай шағым болмау керектігін тапсырды.
Айта кетейік, тұрғын үйлердің құрылыс жұмыстары биыл күз айында аяқталып, тұрғындар игілігіне пайдалануға беріледі деп жоспарлануда.
Аудан басшысы мұнан соң халық батыры Жанқожа баба кесенесі аумағындағы абаттандыру жұмыстарын көрді.
Қазалы ауданы әкімінің баспасөз қызметі
