Грант иегері атану үшін тағы қандай мүмкіндіктер бар
Фото: Артем ЧурсиновҒЖБМ Жоғары және жоғары оқу орнынан кейінгі білім комитетінің төрайымы Гүлзат Көбенова грантқа ілінбей қалған талапкерлердің грант иегері атану үшін тағы қандай мүмкіндіктері бар екенін атап өтті, деп хабарлайды BAQ.KZ.
Оның айтуынша, биыл мемлекет тарапынан жоғары білім алу үшін 78 мың грант бөлінді. Конкурс нәтижесіне сәйкес, гранттың 99 пайызы игерілді. Кейбір мамандықтарда конкурс өте жоғары болды.
Бұл – талапкерлердің мамандықты таңдауына байланысты. Мәселен, «Стоматология» мамандығына 1 орынға 35 адам таласса, «Халықаралық қатынастар және дипломатия» мамандығына 1 орынға 12 адам, сондай-ақ «Аударма ісі», «Дене шынықтыру мұғалімдерін даярлау», «Құқық», «Мода және дизайн» сияқты бағыттар бойынша биыл өте жоғары конкурс байқалып отыр. Сондықтан кейбір талапкерлер грант иегері атанбай қалуы мүмкін, бірақ әлі де мүмкіндіктер бар екенін атап өтеміз, - дейді ол.
