Қазақстан азаматтығын алу және қалпына келтіру үшін мемлекеттік тілді білу сертификаты қажет

Фото: еgov.kz
ҚР азаматтығын қабылдау және қалпына келтіру жөніндегі өтініштерді қабылдау, рәсімдеу және қарау қағидаларына өзгерістер енгізілді.Түзетулер тілді қарапайым деңгейде білетіндігін растаудан басқа, Қазақстан Конституциясы мен тарихының негіздерін білуді көздейді.
Өтініш қабылданбайтын себептер:
халықаралық құқықта көзделген адамзатқа қарсы қылмыс жасаса;
ҚР аумағының бірлігі мен тұтастығын бұзуға шақырса;
ұлттық қауіпсіздікке, халықтың денсаулығына зиян келтіретін құқыққа қайшы қызметті жүзеге асырса;
ұлтаралық және діни араздықты қоздырса, ҚР Мемлекеттік тілінің жұмыс істеуіне қарсы әрекет істесе;
террористік немесе экстремистік ұйымдарға қатысы болса;
халықаралық іздеуде, соттың заңды күшіне енген үкімі бойынша жазасы болса;
басқа мемлекеттің азаматтығы болса;
ҚР азаматтығына қабылдау туралы өтініш білдірген кезде өзі туралы жалған мәліметтер хабарласа;
кәмелетке толмағанның жыныстық тұтастығына қарсы қылмыс жасаса.