Қазақстандағы эпидахуал қандай?
Фото: gov.kzДенсаулық сақтау министрлігінің Санитариялық-эпидемиологиялық бақылау комитеті төрағасының орынбасары Зауре Ахметова елдегі эпидемиологиялық ахуалға тоқталды, деп хабарлайды inbusiness.kz сайты.
Зауре Ахметованың дерегінше, осы жылдың 6 айында республиканың халқы арасында 23 нозология, оның ішінде тырысқақ, күйдіргі, іш сүзегі, сіреспе, дифтерия, құтыру аурулары тіркелген жоқ.
"Өткен жылдың осындай кезеңімен салыстырғанда 26 инфекциялық аурумен сырқаттану төмендеді, оның ішінде бруцеллез 27%-ға, сальмонеллез 18%-ға төмендеді. Қазақстан аумағында аса қауіпті инфекциялардың табиғи ошақтары: оба, туляремия, күйдіргі ауруларының топырақ ошақтары, Конго-Қырым геморрагиялық қызбасының, бүйрек синдромы бар геморрагиялық қызбаның және басқа да ауру ошақтары орналасқан", - деді спикер Орталық коммуникациялар қызметінде өткен брифингте.
