1414-тен хабарлама: қазақстандықтарға шұғыл ескерту жасалды
![](https://massaget.kz/userdata/news/news_111933/image_l.jpg.webp)
Қазақстандықтарға 1414 нөмірінен келген кодты ешкімге жібермеу керегі ескертілді, - деп хабарлайды Massaget.kz.
eGov.kz мәліметінше, алаяқтар хабарламада келген кодты алып, цифрлық мәліметтеріңізге қол жеткізіп алуы мүмкін.
"ЭЦҚ-ны өзге адамға берсеңіз алаяқтар түрлі құжаттарға заңды түрде сіздің атыңыздан қол қоя алады", - делінген хабарламада.
Жеке деректерді қалай қорғауға болады:
1414 кодын үшінші тұлғаларға бермеңіз;
ЭЦҚ кілттерін үшінші тұлғаларға бермеңіз;
егер қызметкерлерде ЭЦҚ кілттері болса, онда олар жұмыстан шығарылғаннан кейін ЭЦҚ-ны қайтарып алуды қадағалау қажет;
ресми құжаттарға қол қоюға жауапты қызметкерлерге жеке ЭЦҚ беру қажет;
ЭЦҚ кілттері бар флэш дискіні жоғалтқан кезде ЭЦҚ жоғалған кілттерін кері қайтарып алу қажет;
ХҚКО-да ЭЦҚ кілттерін алған кезде олардың құпия сөзін өзгертуді ұмытпаңыз;
бейтаныс адамдардан ЭЦҚ кілттерін алуда ақылы көмекті қабылдамаңыз.