35 мемлекеттік жобаның құны негізсіз көтерілгені анықталды
Фото: ҚМАҚаржылық мониторинг агенттігі бірінші жартыжылдық жұмысының қорытындысын жариялады.
Агенттік ақпаратынша, 35 мемлекеттік жобаның заңсыздығы анықталған.
Бюджет қаражатын жұмсау мониторингі шеңберінде құны 300 млрд теңгеден асатын 35 мемлекеттік жоба бойынша жобалық сметалық құжатта (ЖСҚ-да) бағаны негізсіз көтермелеуі анықталды. Агенттіктің бастамасы бойынша олардың құны 45 млрд теңгеге төмендетілді, делінген хабарламада.
Сонымен қатар, 19,2 млрд теңгеге бюджет қаражатын ұрлаудың 111 фактісі бойынша сотқа дейінгі тергеп-тексеру жүргізілуде.
Жалпы, қылмыстық істер бойынша өтем 3,5 есе (48,3-тен 164,4 млрд теңгеге дейін), оның ішінде ақша 7 есе (11-ден 79 млрд теңгеге дейін) ұлғайған.
