Былтыр құрылыс жұмыстарының көлемі 15,1%-ға ұлғайды
Фото: Александр Павский/ Kazinform
2023 жылы құрылыс жұмыстарының (қызметтерінің) көлемі 7 612,8 млрд теңгені құрады және алдыңғы жылмен салыстырғанда 15,1%-ға ұлғайды, деп жазады Ұлттық статистика бюросы.
«Бұл ретте республика бойынша құрылыс жұмыстарының жалпы көлемінен жеке құрылыс ұйымдары — 82,2%, шетелдік — 17,3% және мемлекеттік мекемелер — 0,5% орындады.2023 жылы салынып жатқан объектілер түрлері бойынша ең көп үлес салмағын 51,1% — имараттар, 32,9% — тұрғын емес ғимараттар, 16%- тұрғын үй ғимараттары бойынша орындалған жұмыстар көлемі алады. Ең көп көлем құндық мәнде имараттар құрылысы бойынша байқалды — 3 893,7 млрд теңге және ең жоғарғы өсу 2022 жылмен салыстырғанда имараттар құрылысы бойынша белгіленді — 33,1%.
Құрылыс жұмыстарының құрылымы бойынша негізгі көлемі құрылыс-монтаж жұмыстары жұмыстарына — 84,7%, күрделі жөндеу жұмыстарына — 7,6%, ағымдағы жөндеу жұмыстарына — 7,7% келеді», — делінген хабарламада.
«Былтыр 38 017 жаңа ғимараттың құрылысы аяқталды, оның ішіндегі 35 304 тұрғын және 2 713 тұрғын емес мақсаттағы. Пайдалануға беріген тұрғын үйлердің жалпы алаңы 17,8 млн.теңгені құрады, бұл өткен жылмен салыстырғанда 13,8% өсті. Пайдалануға берілген: жалпы білім беретін мектептер — 112 бірлік, мектепке дейінгі ұйымдар — 63, амбулаториялық-емханалық ұйымдар — 107, ауруханалар — 3 бірлік. Бұл ретте, амбулаториялық емханалардағы ауысымға келіп кету 2022 жылмен салыстырғанда 2 955 ауысымға келіп кетуге өсті», — деп мәлімдеді статбюро.
