Көрнекі ақпараттардың тіл туралы заңнама талаптарына сәйкестігі зерделенді
Бүгінде «AMANAT» партиясының жанынан қазақ тілін дәріптеу және оның әлеуетін арттыруды насихаттау арқылы қоғам арасында тілдің қолданыс аясын кеңейтуге бағытталған «Менің елім – менің тілім» атты партиялық жоба жұмыс жасайды.
Осыған сәйкес бүгін партия филиалы «Қызылорда облысының тілдерді оқыту орталығы» КММ-нің Қазалы ауданы бойынша орталығымен бірлесе Әйтеке би кентінің орталығындағы көрнекі ақпарат құралдары мен кәсіпкерлік нысандарға мониторинг жұмыстарын жүргізді.
Мониторинг барысында орталық базар маңында орналасқан кәсіпкерлік нысандардың жарнама өнімдерінің, сондай-ақ тамақтану орындарындағы ас мәзірлерінің тіл туралы заңнама талаптарына сәйкестігі зерделенді. Бірқатар орындарға нұсқаулықтар табысталып, оларды заңға сәйкестендіру жөнінде әдістемелік көмек көрсетілді.
#AMANAT