Азық-түлік бағаларына мониторинг жүргізілді
Бүгін "AMANAT" партиясы Қазалы аудандық филиалы жанынан құрылған партиялық мониторинг және бақылау топтарының бірқатар мүшелері Әйтеке би кентінде орналасқан ірі және шағын сауда орындарында азық-түлік өнімдерінің бағасын бақылау мақсатында мониторинг жұмыстарын жүргізді.Шара барысында тұрғындар көп тұтынатын азық-түлік өнімдері бағаларын шекті бағадан қымбаттатпау қажеттігі жөнінде түсіндірме жұмыстары жүргізіліп, баға негізсіз көтерілген жағдайда жергілікті атқарушы ограндар тарапынан тиісті жұмыстар жүргізілетіндігі ескертілді.
Сонымен қатар мониторинг жүргізу барысында кәсіпкерлер тарапынан бағаны тұрақтандыру бағытындағы ұсыныс-пікірлер тыңдалды.
Айта кетейік, әлеуметтік маңызы бар қалыпты нан бағасын тұрақтандыру мақсатында «Байқоныр» ӘКК» АҚ-ы арқылы ауданымызға әлеуметтік ұн жеткізіліп, бірқатар сауда орындары мен дүкендерде әр бөлке нан 75-85 теңге аралығында сатылуда.
"ҚАЗАЛЫ" ақпарат
