Партия атынан Әйтеке би кенті әкімінің сайлауына үміткер ұсынылды
«AMANAT» партиясы Қазалы аудандық филиалының кезектен тыс XLVII (47) конференциясы өтті. Конференция жұмысына аудандық партия филиалының төрағасы Ғазиз Әліш төрағалық етті.Іс-шараға арнайы партия филиалының Саяси кеңес Бюросы мен Саяси кеңес мүшелері, облыстық, аудандық мәслихат депутаттары, бастауыш партия ұйымының төрағалары мен мүшелерінен жалпы 25 делегат қатысты. 40-тан аса делегат ZOOM платформасы арқылы онлайн қосылды.
Конференция жұмысында 2024 жылдың 14 шілдесінде өтетін Әйтеке би кенті әкімінің сайлауына партия атынан ұсынылатын кандидатты бекіту мәселесі қаралды. Делегаттардың ашық дауыс беру нәтижесіне сәйкес,
Әйтеке би кенті әкімінің сайлауына кандидат ӘБИЕВ Әліби Берікұлының кандидатурасы делегаттардың ашық дауыс беру нәтижесімен қолдау тауып, бекітілді.
Маңызды шарада аудандық партия филиалы Саяси кеңес Бюросының мүшелері Самұрат Имандосов пен Ибайдулла Тілеп сөз сөйлеп, алдағы сайлау науқанында жауапкершілік жүгі мол екенін айтып, партия үмтікеріне сәттілік тіледі.
