Арқа төсіндегі сәні мен салтанаты жарасқан елорда – Астана қаласының 20 жылдығына орай аудан орталығындағы Р.Бағланова атындағы орталық мәдениет үйінде «Туған күніңмен, Астана!» тақырыбында салтанатты мерекелік шара өтті.

Салтанатты мерекелік шарада сөз сөйлеген аудан әкімі М.Ергешбаев Қазақстан халқының ерен еңбегінің нәтижесінде әлемнің атақты астаналарымен салтанат жарастырып, көркімен де, көлемімен де бой таластыра алатын қазақ жұртының жас та бас қаласының тарихы мен бүгінгі жетістігіне тоқтала келе, тәуелсіздіктің перзенті - Ару қаламыз Астананың 20 жылдығы мерейтойымен шараға қатысушыларды құттықтады.

Мерекеге орай ұйымдастырылған салтанатты кеште Мемлекеттік Ту сахна төріне әкелініп, Әнұран шырқалды.

Аудандық Орталық кітапхана ұжымы Астана қаласының

20 жылдығына тарту ретінде «Астана – ұлы дала Елордасы» атты кітап көрмесін ұйымдастырып, келушілерді тәнті етті.

«Ақжелең» бишілер тобының композициялық биімен ашылған мереке Қазалы ауданы өнерпаздарының концерттік бағдарламасымен жалғасты.