Тасқын су басқан республикалық жолдарды жөндеуге 8,5 млрд теңге керек – Марат Қарабаев
Фото: «ҚазАвтоЖол» ҰҚ» АҚ баспасөз қызметіҚазір су шайған жолдарды жөндеу алдында диагностика жұмыстары жүріп жатыр. Толығырақ Көлік министрі Марат Қарабаев айтып берді.
«Тасқын су астында қалған 11 жол учаскесі бар, олардың ұзындығы – 33 шақырым. Кейбір жол учаскелерін су шайып кетті, кейбір жолды ағын суды жіберу үшін қолдан бұздық. Республикалық маңызы бар жолдар бойынша қалпына келтіру құны шамамен 8,5 млрд теңгені құрайды», - деді Мәжілістің алаңында БАҚ өкілдерінің сауалына жауап берген Марат Қарабаев.
Министрдің айтуынша, қазір су басқан жолдарға диагностика жүргізілуде.
«Жергілікті маңызы бар жолдар бойынша 275 учаскені су шайды, оған қосымша 20 млрд теңге бөлінеді. Қазір су басып қатынассыз қалған жол учаскелері жоқ, барлық учаскесі қалпына келтірілді», - дейді ол.
Бұған дейін М. Қарабаев Vietjet Air әуе компаниясы Qazaq Air-дың 38 млрд теңге қарызын жапқанын айтқан еді.
