Жазғы мектеп жұмысын бастайды
Сурет: Қазалы ауданының білім бөлімі Қазалы ауданы бойынша білім беру ұйымдары оқыту сапасын арттыру, қыс мезгілінде ауа райының қолайсыздығына байланысты онлайн оқыған кезеңдер бойынша білім олқылықтардың орнын толықтыру мақсатында екі лекте ағымдағы жылдың 27-31 мамыр, 26-30 тамыз аралығында жазғы мектеп ұйымдастырылады.
Оған 1-8 және 10 сынып оқушылары қамтылады. Жазғы мектепті ұйымдастыру Ы. Алтынсарин атындағы Ұлттық білім академиясы әзірлеген «2023-2024 оқу жылында жазғы мектепті ұйымдастыру бойынша әдістемелік ұсынымдар» басшылыққа алынады.
Оқушылар жазғы мектепке ата-аналардың өтініші негізінде тіркеледі. Қазіргі таңда 363 топта 4696 оқушы жазғы мектепке оқуға ниет білдіріп отыр.
"ҚАЗАЛЫ" ақпарат
