Құрбан айт мейрамы 17 маусымда дүйсенбіге келіп тұрғандықтан, бес күн жұмыс істейтін қазақстандықтар 15,16 және 17 маусым демалады.

Анықтама үшін:

Мұсылмандардың айтулы мерекелерінің бірі Құрбан айт Ораза аяқталғаннан кейін 70-ші күні келеді. Ай күнтізбесі бойынша есептеулер жыл сайын шамамен 10 күндік айырмашылықпен өзгереді. Араб тілінен аударғанда мерекенің атауы «Құрбан мейрамы» дегенді білдіреді.

Бұл күні мұсылмандар малдың бірін: қой, сиыр, қошқар немесе түйені құрбандыққа шалады.

Құрбан шалды орындаған адам отбасының берекелі өмір сүруін қамтамасыз етті деп саналады.

Мұсылмандар үшін ең маңызды күн – Құрбан айттың бірінші күні. Бұл күні мешіттерде айт намазы оқылып, алғашқы күні діндарлар бір-бірін құттықтап, дастарханға шақырады.