Су тасқыны: Атырау облысына қандай қауіп бар?
Фото: Су тасыған аймақтағы салдарды жою барысы. ТЖМ Атырау облысындағы дәл қазіргі жағдай туралы Төтенше жағдайлар министрлігі мәлімет берді, деп хабарлайды Bugin.kz.
Министрліктің ресми ақпаратында Жайық өзенінің деңгейіне мониторинг жүргізіліп жатқаны хабарланды. Бүгін таңертең Махамбет ауылында су тасу қаупі бар екені айтылып, дабыл қағылған еді.
Төтенше жағдайлар министрлігі бұл туралы:
"Атырау облысының Құлсары қаласы мен Индер ауданының Индербор ауылында су басқан аумақтардан 95 852 текше метр су сорылды. Аумаққа 16 500 қап және 1 106 тонна инертті материал төселді. Жайық өзенінің су деңгейіне мониторинг жүргізілуде. Атырау қаласы мен Махамбет ауданында қосымша бөгеттерді нығайту жұмыстары аяқталды",-деп хабарлады.
