Қырғызстан Қазақстанға 15 фура гуманитарлық көмек жіберді
Фото: ҚР ТЖМҚырғызстан су тасқынына байланысты Қазақстанға 15 фура гуманитарлық көмек жіберді. Бұл туралы Azattyq Ruhy ҚР ТЖМ баспасөз қызметіне сілтеме жасап хабарлайды.
Қырғыз Республикасы Қазақстанға бастамашыл гуманитарлық көмек жолдады.
Су тасқыны салдарынан төтенше жағдайлардан зардап шеккен Қазақстан халқына бастамашыл гуманитарлық жүкті Қырғыз Республикасы ТЖМ вице-министрі Урматбек Шамырқанов алып жүреді.
15 фура гуманитарлық көмек Жамбыл облысына келіп жетті.
Азық-түлік, киім-кешек, төсек-орын жабдықтары, жылытқыштар және т.б. түріндегі гуманитарлық жүк Атырау, Ақтөбе, Батыс Қазақстан және Қостанай облыстарының тұрғындарына жіберілетін болады.
