Су тасқыны: қызылордалық құтқарушылар тобы Атырау облысына көмекке аттанды
![](https://aikyn.kz/upload/media/posts/2024/04/su-task-yny-k-yzylordalyk-k-u-tk-arushylar-toby-atyrau-oblysyna-komekke-attandy_1711938130.jpg)
Бұл туралы Төтенше жағдайлар министрлігінің баспасөз қызметі мәлімдеді. Өңірлерде су тасқынының салдарымен күрес қарқынды түрде жалғасып жатыр, – деп хабарлайды Aikyn.kz.
Төтенше жағдайлар министрлігінің мәліметінше, сағат 04.00-ге қарай Атырау облысына Қызылорда облысы ТЖД құтқарушылары аттанды.
– Олар өңірдегі су тасқынының салдарын жоюға ат салысады, – делінген хабарламада.
Сондай-ақ Атырау облысы Қызылқоға ауданы Миялы ауылында су басу қаупінің алдын алу мақсатында, бөгеттерді нығайту жұмыстары жүргізіліп жатыр.