Қазалыда ұлттық спорт түрлерінен облыс біріншілігі басталды
Қазалыда ұлттық спорт түрі асық ату мен бес асықтан жекелей командалық облыс біріншілігінің ашылу салтанаты өтті.2008-2010 және 2011-2013 жылы туылған жасөспірімдер арасындағы біріншілікке облысымыздың әр аймағынан 100-ге жуық жас спортшылар қатысып, бақ сынауда.
Спорттық шараның ашылу салтанатына аудан әкімінің орынбасары Дәурен Тлеумбетов қатысып, жас сортшыларға сәттілік тіледі. Сонымен қатар еліміздің одан әрі дамуына ойы ұшқыр, көкірегі ояу жастарды тәрбиелеп, жасөспірімдер арасында ұлттық құндылықтарымызды насихаттау мақсатындағы мұндай шаралардың жалғасын таба беретіндігін жеткізді.
Мұнан соң ардагер спортшы, облыстық Ұлттық Асық ату федерациясының мүшесі Райхан Наукеев сөз алып, ұлттық спорт түрлерінен өткізіліп жатқан біріншілікті ұйымдастырушы барша азаматтарға алғысын жеткізді.
Айта кетейік, облыстық біріншілік ертеңге дейін жалғасып, облыстық кезеңнен жеңімпаз атанғандар республикалық кезеңге жолдама алмақ.
"ҚАЗАЛЫ" ақпарат
